بیرینجی دونیا ساواشیندا دونموش سربازین قالیقلاری تاپیلدی

قوزئی ایتالیادا بیرینجی دونیا دؤیوشو اثناسیندا اؤلن بیر عسگرین دونموش قالیق‌لاری بؤیوک نیسبتده قورونموش حالدا تاپیلدی.

احتیماللا ایتالیالی اولان عسگرین اوزرینده 1915-1918 آراسیندا اوسترا لیایا قارشی ایجرا ائدیلن دؤیوشده ایستیفاده ائدیلن فورما و چکمه‌لر وار.

عسگرین قالیق‌لاری ایکی اؤلکه سرحدینده‌کی "دولومیتلئرین" ان یوکسک زیروه‌سی "مارمولادا" داغی‌نین زیروه‌سی یاخین‌لاریندا تاپیلدی. قالیق‌لارین احتیماللا یاخینداکی بوزلاق ایچینده قوروندوغو دوشونولور.

بو تاپینتی‌لار دقت‌لری بیر داها یوز ایل اونجه اوروپانین ان چتین دؤیوش ساحه‌لریندن بیرینده یاشانانلارا چئویردی.

قوزی قوطبده کی بوزلارین اریمه سی

اينگيلیسده‌کي کمبریج بیلیم‌یوردوندان پئتئر هادهامس، 20-30 ايلده قوزئی قوطبونون بوتون دنيز بوزونون تاماميله ايتيريله‌جگيني، آنجاق داها قيسا زاماندا بؤيوک اؤلچوده اينجه‌له‌جه‌یيني، ياز دؤورونده، تخميناً 10 ايلده قوزئی بوز دنيزي‌نين آچيق بير دنيز حاليني آلاجاغيني ايفاده ائتدي.

هادهامس، اينگيليس کاشيف پئن هادووون ليدئرليگينده‌کي بير قوروپون، يازدا 73 گون بويونجا الده ائتديگي  معلوماتلارا سؤيکنه‌رک چيخاريلان نتيجه‌لري لندنده‌کي مطبوعات کونفرانسيندا آچيقلادي. هادوو و قوروپونون آرشدیردیغی تخميناً 450 کيلومترليک ساحه‌ده بوزلاغين اورتالاما قالينليغي نين 1،8 متر اولدوغونو آچيقلايان هادهامس، بوزلاغين يازين داها حساس دوروما گلديگيني، 1،8 متر قالينليغين ايل ايچينده مئيدانا گلميش بوزلاغا ايشاره ائتديگيني، ايقليم دييشيکليگي‌نين کونکرئت گؤستريجيسي اولاراق ايللرجه سورن بوزلاق ييغيلمالاري‌نين سورعتله آزالديغيني ايفاده ائتدي.

آراشدیرمايا ايمضا آتانلاردان دونيا طبيعتي قوروما وقفيندن مارتين سوممئرکورن، آراشديرمانين چوخ قارانليق بير تابلو چکديگيني، بوزلاق طبقه‌سي‌نين تخمين ائديلندن داها سورعتلي اريديگيني وورغولادي.

سوممئرکورن، بوزلاغين تاماميله اريمه‌سي‌نين، بؤلگه ده ياشايان حئيوانلارین نسيلي‌نين توکنمه‌سي‌نين يانيندا اوقیانوس‌لارداکي سو سوييه‌سي‌نين يوکسلمه‌سينه، هاوا دييشيکليک‌لرينه، دالغالارا و ايستي‌خانا ائتگی‌سینه گتيريب چيخاران قازلارين چوخ يوکسک نيسبتده ییغیلماغینا گتيريب چيخاراجاغينا ديقتي چکدي.

بو آراشدیرما نتيجه لري آراليق آييندا کوپئنهاگدا ائديله‌جک ايقليم زيروه‌سينده موزاکيره ائديله جک. مقصد قوزئی قوطبونده‌کي اريمه‌نين سورعتيني آزالداجاق تدبيرلر آلا بيلمک…

ماوی گؤزلو، قارا دریلی کؤرپه!!

گؤرورسن دا آللاهین ایشین!!!

قایناق:http://mid.az

فوتبالین وطنی اینگیلیس دئییلمیش…

فوتبولون اينگیلسده يارانماديغي ثوبوت اولونوب." صاباح" قزئتی‌نين ياييملاديغي معلوماتا گؤره، فوتبالین وطني هئچ ده اينگيلیسده دئييلميش.

مصرده تاپيلان مزارليقداکي بير داشين اوستونده توپ اوينايان آدام عکسي معين اولونوب. بو يازيلي داش کيتابه‌نين 2500 ايل ياشي اولدوغو گومان ائديلير.

هومئرين " اوديسسئي " اثرينده  ده توپ حاقيندا يازيلار وار. همين يازيلارا گؤره، اورتا آسيا تورکلرينده فوتبالین تام بنزري اولان بير اويون وارميش. اويوندا توپا ال وورمادان آياق و باشلا اوينانيليرميش، آمما بو اويونو ان چوخ قيزلار اويناييرميش.

ماحمود کاشغارلی‌نین ده داخيل اولدوغو بير چوخ تاريخچيلر تورکلرين " تئپوک " آدلي اويونونون اولدوغونو يازيبلار. بو اويونون قايدالاري اينديکي فوتبالین قايدالارينا اوخشار ايميش: ال ایله اويناماق اولماز، جريمه لي حرکتلر و آوت کيمي قايادالار.

فوتبالین بوتون تاريخي بويو بئلجه گلیشدیگی و بو گونکي حالينا اون يئددي عصرده اينگيلیسده گلديگي بيلديريلير. 1841-جي ايلده اينگيلیسده توپون تام يومرو اولماسي قبول اولونوب.1848-جي ايلده ايسه فوتبال قايدالاري قبول اولونوب واؤیرنجی‌لر آراسيندا اوينانيليب. 1857-جي ايلده اينگيلیسده دونيانين ايلک فوتبال کلوبو " Sheffield" يارانيب. بئله‌جه اينگيلیسي فوتبالین وطني ساييرلار.

آما يوخاريداکي معلوماتلاردان گؤروندويو کيمي، فوتبال اينگيلیسدن اؤنجه باشقا خالقلار طرفيندن يارانيب.

دونیانین ان یاخشی اؤلکه‌لری

اؤلکه‌لر یاشاییش سويه‌سي، تحصيل، ساغلیق، ايقتيصادياتين اينکيشاف ديناميکاسي و سياسي وضعيته گؤره موقاييسه ائديليب. آراشديرمانين نتيجه سينه گؤره، دونيانين ان ياخشي اؤلکه‌سي فنلاددير. سوئیس و سوئد ايسه سونراکي يئرلري توتور. ايلک اونلوقدا استراليا، لوکزانبورگ، نوروژ، کانادا، هلند ، ژاپن و دانمارک دا وار. سیرالامادا سونونجو اوچ يئري نیجریه ، کامرون و بورکینا فاسو توتور. يعني، اونلار ژورنالين نسخه سی اوزره ان پيس اؤلکه‌لر ساييليرلار.

آمریکا 11-جي، آلمان 12-جي، بؤيوک بريتانيا 14-جو، فرانسه 16-جي، روسيه 51-جي، تورکيه ايسه 52-جي پيلله‌ده‌دير.

قایناق:http://milli.az