اؤیرنمه‌سینی گرکلی بیلیرم؛ بوتون اینسان‌لارین دوز و تمیزاورکلی اولمادیغینی… لاکین بونو دا اؤیرت اونا؛ هر آلچاغا قارشیلیق بیر قهرمان، هر اؤزونو فیکیرلشن سیاستچی‌یه قارشیلیق اؤزونو یاددان چیخاران بیر باشچی وار.

هر دوشمنه قارشیلیق بیر دوست اولدوغونو دا اؤیرت اونا! اوزون واخت آلا‌جاق بیلیرم، آنجاق اؤیره‌ده بیلسن، قازانیلان بیر دولارین، تاپیلان بئشیندن داها دیرلی اولدوغونو اؤیرت. ایتیرمگی اؤیرنمه‌سینی اؤیرت!.. و هم ده قازانماق سئوینجینی. قیسقانجلیق‌لاردان اوزاغا آپار اونو…

باجارسان، سس‌سیز گولوش‌لرین سیرلرینی اؤیرت اونا…قوی اول‌دن اؤیرنسین، داها گوجلولرین گؤرونوشده غالیب اولدوق‌لارینی…

باجارسان، اونا کیتاب‌لارین معجزه‌لرینی اؤیرت. آنجاق اونا سس‌سیز واخت‌لار دا ساخلا. گؤی اوزونده‌کی قوش‌لارین، گونشین قارشی‌سینداکی آری‌لارین و یام-یاشیل یاماجداکی چیچک‌لرین ادبی سیرلرینی دوشونه بیلجگی… مکتبده سهو ائتمیین، بیلیب ائتمکدن چوخ داها اؤیوندوروجو اولدوغونو اؤیرت اونا…اونا اؤز دوشونجه‌لرینه اینانماسینی اؤیرت. هر کسین اونا یانیلدیغینی دئینده بئله…

مدنی اینسان‌لارا قارشی مدنی، آمانسیز اینسان‌لارا قارشی آمانسیز اولماغی اؤیرت اونا…

هر کس بیر-بیرینه قوشولموش عینی یولو گئدرکن، کوتله‌لرین دالیجا دوشمه‌یه‌جک گوجو وئرمه‌یه چالیش اوغلوما! بوتون اینسان‌لارا قولاق آسماغی اؤیرت اونا، آنجاق بوتون دینله دیک‌لرینی گئرچگین اَلگیندن کئچیرمگی و ساده‌جه یاخشی اولانلاری گؤتورمه‌سینس ائتمه‌سینی اؤیرت.

باجارسان، کدرلننده بئله نئجه گولومسه‌مه‌لی اولدوغونو اؤیرت اونا…گؤز یاش‌لاریندا هئچ بیر اوتانجین اولمادیغینی اؤیرت. هر کسین، ساده‌جه اؤز خئیری اوچون چالیشان‌لارا، آغیز بوزدوگونو اؤیرت. و حددن آرتیق ماراغا دقت یئتیرمه‌سینی…

اونا، گوجونو و بئینی‌نی ان یوکسک ده‌یر وئرنه ساتماسینی، آنجاق هئچ واخت اورگینه و روحونا قیمت ائتیکئتی قویماماغی اؤیرت…اولویان بیر اینسان کوتله‌سینه قارشی قولاق‌لارینی تیخاماغی اؤیرت. و حاقلی اولدوغونا ایناناندا، دیم-دیک دیکیلیب ساواشماغی اؤیرت. اونا مدنی داوران، آنجاق اونو قوجاقلاما!..چونکی یالنیز اود پولادی تمیزلییر. قوی دؤزومسوز اولا‌جاق قدر جسارته صاحب اولسون. اونا اؤزو اوچون درین بیر اینانج داشیماغی اؤیرت. بئله‌جه اینسان‌لارا قارشی دا درین بیر اینانج داشیمیش اولا‌جاق…

بو بؤیوک بیر استکدیر. نه قدرینی ائده بیله‌جکسن گؤرک… او نه قدر بالاجا یاخشی اینسان. او منیم اوغلو‌دور.

قایناق:http://kayzen.az

دونیایا اوشاق گتیرمه‌نین اوچ معناسی وار:

بیرینجی‌سی اوشاق ایستمه حسی ایله باغلیدیر.

ایکینجی‌سی اجتماعی فیکیرله.

اوچونجوسو ایسه داها ائقویست(خودخواه) – منی کیم ساخلایا‌جاق قوجالاندا؟ کیم باسدیرا‌جاق؟

او و یا بو مقصدله اوشاق دوغولور. آتا-آنالار اونو ساخلاماغا باشلاییر. بؤیودورلر. هله بیر آتا-آنا گؤرمه‌میشم کی، اوشاغا دئسین :”سن منه هئچ نه ایله بورجلو دئییلسن، چونکی من سنی دوغاندا سنینله هئچ بیر آنلاشما(توافقنامه) ایمضالامامیشام کی، سن منه نه واختسا بورج قایتاراسان. نه ایسته‌ییرسن ائله، ایسته‌ییرسن چیخ گئت، ایسته‌ییرسن قال، ایسته‌ییرسن آت اؤزونو یئددینجی مرتبه‌دن، بو سنین یاشاییشیندیر“.

بوتون آتا-آنالار دئییر :” سن بیزه بورجلوسان. سن بیزی ساخلاما‌لیسان چونکی بیز سنی ساخلامیشیق. سن بیزیم یاشاییشیمیزین بیر پارچاسیسان. سنه نسه اولسا بیز اؤلریک. سنه نسه اولسا آنان دلی اولار. سنه نسه اولسا آتان اؤزونو اؤلدورر”. باخین بو جمله‌نی بیر ده یازیرام: “سنه نسه اولسا بیز اؤلریک“. بو بیلیرسینیز بیزیم یاشاییشیمیزی نه‌یه چئویریر؟

یادینیزا سالین کؤهنه هالیوود فیلم‌لرینی، پولیس جینایتکارلا اوز-اوزه‌دیر. و جینایتکارا قیشقیریر:” آت سلاحینی یئره“. جینایتکارسا دئییر :” سن آت سلاحینی یئره… بیز سنین سئوگیلینی اوغورلامیشیق بیزه نسه ائتسن اونو اؤلدوره‌ریک“. همین ثانیه‌یه کیمی هامی پولیسین غالیب گلجگینه اینانیر، آمما سون جمله‌دن سونرا نه باش وئریر؟ هه اؤزونوز دئیین. یوخ گلین بیر یئرده دئیک. پولیس سلاحینی یئره قویور و دوروم جینایتکارین خئیرینه دییشیر. چیخیش یولو داها دا چتینلشیر.

بیزیم یاشاییشیمیز دا ایندی بئله‌دیر. بیز پولیسیک. یاشاییشداکی چتینلیک‌لر ایسه جینایتکارلار. اما او یاشاییشین الینده همیشه بیزیم آتا-آنالاریمیز وار. اونلار دا دئییرلر :”سنه نسه اولسا بیز اؤلریک. سلاحینی قوی یئره و یاشاییشین عدالت‌سیزلیک‌لرینه تسلیم اول. اؤیرش. عادیلش. آرزولارینی اونوت. هئچ یانا گئتمه. یانیمیزدا قال. بیزی ساخلا. بیز دئین بیلیم‌یوردا گئت، بیز دئدیگیمیز اوغلانا اره گئت. شیکایت ائلمه کی، سن بیزیم بویروق‌لاریمیزی یئرینه یئتیره-یئتیره اؤز یاشاییشینی ایتیریرسن. قورخما،سنین ده اوشاق‌لارین اولا‌جاق،سن ده اونلارین یاشاییشینی قورا‌جاقسان.اونلاری اداره ائده‌جکسن .باخ اوندا دا سن یاشایا‌جاقسان.چونکو بیزی ده آتا-آنالاریمیز ایسته‌دیگیمیز کیمی ائتمه‌میشدی. بیز ده ایندی سنین یاشاییشینلا یاشایاجاییق. چونکو اؤز یاشاییشیمیزین یاخشی ایللری کئچیب“.

مصرده هامی فرعونون یارادیجی اولدوغونا اینانیردی. اونلارا دئییلیردی کی، هامی حیاتینا گؤره فرعونا بورجلودورلار. هندده مال ایسته‌دیگی واخت ایسته‌دیگی دوکانا گیریب اورانی داغیدیب تؤکور. سونرا خوشلادیغی مئیوه‌لردن دیشله‌ییب دوکانین ایچینی ده قشنگجه باتیریر . گئدندن سونرا ایسه دوکانین یییه‌سی پرت اولماق یئرینه، یئرده‌کی پوخا باخیب سئوینیر کی، بودا مقدس اللهین هدیه‌سیدیر!! داها بیلمیرم یئییر اونو یا یوخ،آمما یوزده یوز سئوینیر.یا.وطنداش‌لار دؤولته بورجلودورلار.اونا گؤره هر دفعه وئرگی وئرمه‌لیدیرلر.حتی اؤز ائوی‌نین دامیندا گونش باتریسی قویوب برقینی اؤزون تولید ائدیب دؤولتین ایشیغینی ایشلتمه‌سن ده اونا گؤره سندن وئرگی آلا‌جاقلار.چونکو سن اونلارین گونشیندن ایشیق گؤتورورسن!! گؤرورسونوز بیز حیاتا نه قدر بورجلا گلمیشیک؟ آمما ایضاحلی لوغتده “بورج” سؤزو بئله ایضاح اولونور. “کیمدنسه خواهیش اولونوب آلینان و واختیندا قایتاریلاجاغی حاقدا سؤز وئریلن مال”. ایندی گلین باخاق بیز دوغولاندا کیمدنسه  خواهیش ائتمیشیک؟ منیم یادیمدا گلمیر. یوخ، ائله بیر شئی اولماییب.قایتاریلماسی دانیشیلمایان بیر شئی ایسه هدیه‌دیر.هدیه بیزه گؤره‌دیر و اونو بیز قایتارماق مجبوریتینده دئییلیک. سان کی، سیزه کیمسه هدیه وئریر. بیر ایل سونرا اونو گئری ایسته‌ییر!!! سیز او آداما نئجه باخارسینیز؟ من دئیرم کی، آخماقدی یقین.

ایندی ده ائله‌دیر. هامی بیزه نه ایسه وئریر و بیزی بورجلو چیخاریر. آمما بیز هئچ کیمه بورجلو دئییلیک، چونکی هئچ کیمدن بورج ایسته‌مه‌میشیک.

یاشاییشیمیزی نئجه ایسته‌ییریکسه ائله ده یاشایاق. هئچ بیر سؤزلشمه(معاهده) یوخدور. حتی ان غیری-دئموکراتیک محکمه بئله بیزی سوچلایا بیلمز. چونکی هر بیر “سنه فیلان شئی وئریبلر” جمله‌سینه جاوابینیز وار- “وئرمزدیلر. خواهیش ائتمه‌میشدیم کی وئره‌لر”…

]]> http://yazhayaz.wordpress.com/2010/09/06/%da%af%d8%a4%d8%b1%d9%87%e2%80%8c%d8%b3%d9%86-%d9%86%db%8c%db%8c%d9%87-%d8%a8%db%8c%d8%b2-%d9%87%d8%a7%d9%85%db%8c%e2%80%8c%db%8c%d8%a7-%d8%a8%d9%88%d8%b1%d8%ac%d9%84%d9%88-%d8%af%d9%88%d8%ba%d9%88/feed/ 3 urmulu85 1 http://yazhayaz.wordpress.com/2010/09/05/%da%a9%d8%a7%d9%85%d9%be%db%8c%d9%88%d8%aa%d8%b1%da%86%db%8c-%da%af%d8%a4%d8%b2%d9%88%db%8c%d9%84%d9%87-%d9%82%db%8c%d8%b2%d9%84%d8%a7%d8%b1/ http://yazhayaz.wordpress.com/2010/09/05/%da%a9%d8%a7%d9%85%d9%be%db%8c%d9%88%d8%aa%d8%b1%da%86%db%8c-%da%af%d8%a4%d8%b2%d9%88%db%8c%d9%84%d9%87-%d9%82%db%8c%d8%b2%d9%84%d8%a7%d8%b1/#comments Sun, 05 Sep 2010 07:28:34 +0000 urmulu85 http://yazhayaz.wordpress.com/?p=133 ]]>

منجه هامینیزا ماراقلی گله‌جک… چونکی سیز قیزلاری هئچ بئله تصور ائتمه‌میسینیز

Hard disk کیمی قیزلار: هر شئیی یادداشیندا حک ائدر!

Ram کیمی قیزلار: ایشلری قورتاران کیمی سیزی اونودورلار.

Windows کیمی قیزلار: هر کس هئچ بیر شئیی دوغرو دوروست ائتمدیکلرینی بیلسه‌لر بئله، هئچ کیم اونلارسیز یاشایا بیلمز!

Excel کیمی قیزلار: بیر چوخ باجاریق‌لاری اولماسینا رغماً ساده‌جه کیچیک ایشلری حل ائدرلر.

Screensaver کیمی قیزلار: ایلندیرمکدن باشقا چوخ ایشه یارامازلار.

اینترنت کیمی قیزلار: هر کسین اونلارا باغلانما احتیاجی واردیر.

Server کیمی قیزلار: احتیاجینیز اولدوغوندان دایما مشغولدورلار.

Multimediya کیمی قیزلار: قورخونج شئی‌لرین گؤزل گؤرونمه‌سینی تامین ائدیرلر.

ویروس کیمی قیزلار: هئچ گؤزله‌مه‌دیگینیز بیر آندا گلیب اؤزونو سیراییر و قایناق‌لارینیزی توکتمه‌یه باشلاییر. قورتولماغا چالیشدیغینیزدا مطلق بیر شئی‌لر ایتیررسینیز، اگر واختیندا قورتولمازسا‌نیز هر شئیینیزی ایتیررسینیز!

http://delixana.wsقایناق

]]> http://yazhayaz.wordpress.com/2010/09/05/%da%a9%d8%a7%d9%85%d9%be%db%8c%d9%88%d8%aa%d8%b1%da%86%db%8c-%da%af%d8%a4%d8%b2%d9%88%db%8c%d9%84%d9%87-%d9%82%db%8c%d8%b2%d9%84%d8%a7%d8%b1/feed/ 1 urmulu85 com http://yazhayaz.wordpress.com/2010/09/03/%d9%85%d8%b2%d9%84%db%8c-%d8%aa%d8%a7%d9%86%db%8c%d8%b4%d9%84%db%8c%d9%82/ http://yazhayaz.wordpress.com/2010/09/03/%d9%85%d8%b2%d9%84%db%8c-%d8%aa%d8%a7%d9%86%db%8c%d8%b4%d9%84%db%8c%d9%82/#comments Fri, 03 Sep 2010 06:04:06 +0000 urmulu85 https://yazhayaz.wordpress.com/2010/09/03/%d9%85%d8%b2%d9%84%db%8c-%d8%aa%d8%a7%d9%86%db%8c%d8%b4%d9%84%db%8c%d9%82/ ]]>

اوغلان: منه آدینیزی هدیه ائدرسینیز می؟

قیز: نیه؟ سیزین یوخدور؟

اوغلان: سیزه بیر ایچکی هدیه ائده بیلرم؟

قیز: اصلینده ایچکی‌نین پولونو گؤتورسم داها یاخشی اولار

اوغلان: من بیر عکاسام و نه زامان‌دیر سیزینکی کیمی بیر اوز آختاریردیم

قیز: من ده گؤزللیک جراحیم و نه زامان‌دیر سیزینکی کیمی بیر اوز آختاریردیم

اوغلان: منه ائله گلیرکی سیزینله داها اول بیر دفعه گوروشموشدوک یا دا ایکی دفعه؟

قیز: یالنیز بیر دفعه چیخمیش اولا بیلریک، چونکی عینی یانلیشی ایکینجی دفعه ائتمرم

اوغلان: نئجه بو قدر گؤزل اولا بیلیرسینیز!

قیز: منجه دوغولارکن سیزین پایینیزی دا من گؤتورموشم

اوغلان: بو شنبه منیمله گوروشه بیلرسینیز؟

قیز: باغیشلا منی، بو شنبه باشیم آغرییا‌جاق

اوغلان: بیر چوخ کیشی‌نین خوشونا گلیرسینیز

قیز: سیز ده بیر چوخ قیزین معده‌سینی بولاندیریرسینیز

اوغلان: سیزی چوخ خوسبخت ائده بیلرم

قیز: نئجه؟ گئدیرسینیز؟

اوغلان: سیزه ائولنمه تکلیف ائتسم، نه جاواب وئرردینیز؟

قیز: بیر شئی دئیه بیلمزدیم، چونکی گولرکن دانیشا بیلمیرم

اوغلان: سیزی سینما دعوت ائده بیلرممی؟

قیز: ائله ایندی سینمادایام دا

اوغلان: حیاتیم بویونجا هارادا ایدینیز؟

قیز: سیزدن گیزلنیردیم

اوغلان: حیاتیم بویونجا هارادا اولاجاقسینیز؟

قیز: حیاتینیزین گئری قالانیندا دا اولاجاغیم یئرده، یوخولارینیزدا

اوغلان: سیزی قاباقجا هاراداسا گؤرموشم می؟

قیز: هه اونا گؤره داها اورایا گئتمیرم

اوغلان:نه ایشله مشغولسان؟

قیز: ایشه تلسیرم

من+سن=بیریک

من-سن=هئچ نه‌ییک

من/سن=بؤلونمه‌ریک

برزیللی، 14 یاشیندا و 2.06 متر بویویلا دونیانین ان اوزون قادینی اولماق ایسته‌ین ائلیسانی سیلوا بیر مدت‌دیر آرخاسیندا قاچان آگئنت‌لیک‌لره "بله" دئدی و مدل‌لیک ایشینه آددیم آتدی. سون درجه یوخسول بیر عائله‌نین قیزی اولان و معا‌لیجه‌سی اوچون گرکلی پول تاپا بیلمدیگی اوچون بویو کنترل اولونما‌دان اوزانان سیلوا، مدل‌لیکدن قازاندیغی پوللا عائله‌سی‌نین یاشاییشینی دییشدیرمگی اومید ائتدیگینی آچیقلادی. سیلوا، برزیلده‌کی ایلک گؤستریشینه اؤنوموزده‌کی گونلرده چیخا‌جاق.

سوآلتی مودا

   دونیانین ان چیرکین مدل لری

قایناق:http://mid.az

آزربایجاندا ان یوکسک طبیعی آرتیم  تالیش بؤلگه‌سینده‌دیر. آزربایجاندا اوغلان‌لار قیزلاردان چوخ دوغولسا دا، سونرا‌دان کیشی‌لرین اورتا عمرونون آشاغی دوشمه‌سی و یا آزربایجانی ترک ائتمه‌لری سونوجوندا بو نیسبت قادین‌لارین خئیرینه دییشیر. آزربایجان اها‌لی‌سی‌نین 49%-ی کیشی، 51%-ی ایسه قادین‌لاردان اولوشدورور. آزربایجاندا طبیعی آرتیم چوخ اولدوغوندان بورادا یاشلی‌لارا نیسبتن اوشاق و گنج‌لر اوستونلوک تشکیل ائدیر. آزربایجاندا اورتا عمر 73 یاشا قدردیر. ان چوخ اوزون عمورلولوک تالیش بؤلگه‌سینده‌دیر.

آزربایجان اها‌لی‌سی‌نین 17%-ی 80-ه یاخین میللتین نماینده‌لرین‌دن، روس، ائرمنی، لزگی، یهودی، آوار، تاتار، تات، تالیش و باشقا اولوسلاردان اولوشور. میللی ترکیبینه گؤره آزربایجانین آبشئرون و شکی-زاقاتالا بؤلگه‌سی داها رنگارنگدیر.

اها‌لی‌نین بیر یاشاییش یئریندن باشقاسینا و یا بیر اؤلکه‌دن باشقاسینا کؤچمه‌سینه مئکانیکی حرکت و کؤچمک(میقراسیا) دئییلیر. ایشسیزلیک، اقتصادی چتینلیک‌لرله باغلی آزربایجانی ترک ائدنلر بورایا گلنلردن داها چوخدور. آزربایجانی اساساً غیری-آزربایجانلی‌لار ترک ائدیر. آزربایجان ایچینده اها‌لی اساساً ایری شهرلره، اؤزللیکله باکی‌یا کؤچور. چونکی بورادا ایش تاپماق داها آساندیر.

یئرین هر کیلومترمربعینه دوشن اها‌لی سایینا اونون سیخلیغی دئییلیر. سیخلیغی تاپماق اوچون اها‌لی‌نین سایینی اؤلکه‌نین ساحه‌سینه بؤلمک گره‌کیر. آزربایجاندا سیخلی‌لیق هرکیلومترمربعه 95 نفردیر. ان سیخ اها‌لی آبشئروندا خصوصیله باکی آقلومئراسیاسیندا (840 نفر)، گنجه-قازاخ و لنکران بؤلگه‌سینده‌دیر. ان آز سیخلی‌لیق ایسه اورتا و یوکسک داغلیقدا، قاراباغ یانارداغلیق(آتشفشانی) یایلاسی، قوبوستان، آجینوهور-جئیران‌چؤل، شیروان و موغان دوزلری‌نین بعضی یئرلرینده‌دیر. آزربایجاندا اها‌لی‌نین 76%-ی دوزن و هوندورلوگو 500 متراه قدر اولان یئرلرده یاشاییر. ان یوکسک یاشاییش منطقه‌لری کلبجرده — یوخاری باغیرساق (2330 متر) و قوبا‌داکی خینا‌لیق (2000 متر) کندلر‌دیر. آزربایجاندا 4400 یاشاییش بؤلگه‌سی واردیر کی، بونون دا 4242-سی کنددیر. ایسسیزلیک و بوش تورپاق ساحه‌لری‌نین اولماماسیندان سون ایل‌لر آزربایجاندا کندلرین سایی آزالیر. کندلرده اورتا حسابلا 750 نفر یاشاییر. ان ایری کندلر دوزن و داغ اتیینده‌دیر. داغلیق بؤلگه‌لرده‌کی کند اها‌لی‌سی‌نین شهرلره کؤچمه‌مه‌سی اوچون بورادا امک توتوملو ایش یئرلری آچماق گرکلیدیر. آزربایجاندا کند اها‌لی‌سی اساساً طبیعی ودوغال آرتیم حسابینا آرتیر.

اها‌لی‌سی‌نین سایی 5 مین نفردن چوخ اولان و اکثریتی اکینچیلیک ایله مشغول اولمایان یاشاییش منطقه‌سینه شهر دئییلیر. شهر اها‌لی‌سی‌نین سایی طبیعی و مئکانیکی آرتیم حسابینا آرتیر. اکثر اؤلکه‌لرده اولدوغو کیمی آزربایجاندا دا شهرلرین سایی آرتیر، کندلرین سایی ایسه آزالیر. آزربایجاندا وار اولان 70 شهرین 11-ی باکی، سومقاییت، گنجه، یئولاخ، مینگچئویر، شکی، شوشا، خان‌کندی، نافتالان، شیروان (علی-بایراملی)، لنکران — رئسپوبلیکا؛ 3-و — ناخچیوان، اوردوباد، جولفا — موختار رئسپوبلیکا؛ قالانلاری ایسه رایون تابعلیگینده‌دیر. شهرلشمه— شهر توپاغی‌‌نین و اها‌لی‌سی‌نین آرتماسی پروسئسی و سورجی‌دیر. چوخ‌ساحه‌لی صنایع و اشکند(پایتخت) عاملی ایله باغلی اولاراق آبشئرون آزربایجانین ان یوکسک شهرلشمیش بؤلگه‌سی ساییلیر. آزربایجان اها‌لی‌سی‌نین 27%-ی، شهر اها‌لی‌سی‌نین ایسه 47%-ی باکیدا یاشاییر. عمومی‌لیکده آزربایجان اها‌لی‌سی‌نین 52.5%-ی شهرلرده یاشاییر.

ایش‌گوجو(نیروی انسانی) دئدیکده — امک باجاریقلی اها‌لی (15-56 یاش قادین‌لار و 15-61 یاش کیشی‌لر) باشا دوشولور. آزربایجان اها‌لی‌سی‌نین 55%-ی امک باجاریقلی‌دیر. مادی و غیری-مادی تولید ساحه‌لرینده چالیشان اینسان‌لارا ایش‌بیلن(ماهر) اها‌لی دئییلیر. آزربایجان ایش‌گوجو ایله یاخشی، ایش بیلن اها‌لی ایله ایسه چوخ پیس تامین اولونوب. آزربایجاندا بوش ایش یئرلری اولمادیغیندان و امک  باجاریقلی اها‌لی‌نین چوخ اولماسیندان اها‌لی ایش تاپماق اوچون خاریجه (اؤزللیکله روسیه) گئدیرلر. بونون قارشی‌سینی آلماق اوچون آزربایجاندا امک توتوملو تولید ساحه‌لرینی،  اؤزللیکله تولیدی صنایعی گلیشدیرمک لازیمدیر. حاضردا آزربایجاندا 1 میلیوندان آرتیق ایشسیز وار. بو جور اقتصادی چتینلیک‌لر آزربایجان اها‌لی‌سی‌نین طبیعی آرتیمینا منفی ائیتگیله‌ییر.

سون اون‌ایللیک‌لر اوزره آرتیم‌لاری گؤتورسک، آزربایجاندا اها‌لی‌نین ان چوخ آرتیمی 50-60-جی ایل‌لرده ثنت اولونوب. بو اون‌ایللیکده اها‌لی 40 % قدر آرتیب. بو او دئمکدیر کی، اها‌لی‌نین اورتا حسابلا ایل بویونجا آرتیمی % 4 تشکیل ائدیب. آنجاق آرتیم 2000-جی ایلدن 2007-جی ایله قدر توپلام 0.7 % تشکیل ائدیب. گؤرون، نه قدر فرق وار. طبیعی آرتیمین سرعتی تخمینن 6 دفعه آشاغی دوشوب». (آزادلیق)

آزربایجان اها‌لی‌سی حاقیندا بیر باشقا گئرچک ده آرتیرماق لازیمدیر. آزربایجان اها‌لی‌سی‌نین 92%-ی کیتاب اوخومور.هلندده 72%، گورجوستاندا 32%، ائرمنیستاندا 28% اها‌لی کیتاب اوخودوغو حالدا، آزربایجاندا توپلام 8% اولدوغونو بیلدیرن ایسه چینگیز عبداللایئو اولوب.

قایناق:http://kayzen.az

بونو اؤتن گون رسمی اولا‌راق وظیفه‌سی‌نین ایجراسینا باشلایان تورکیه‌نین یئنی باش قرارگاه باشقانی اوردو گئنئرا‌لی “ایشیک کوشانئر” دئییب. کوشانئر روسیه ایله گورجوستان آراسیندا باش وئرمیش ساواشین، قارا د‌نیزین و مونترئ بوغازلار آنلاشماسی‌نین اؤنملیلیگینی بیر داها گؤستردیگینی دئییب.

تورکیه-ائرمنیستان ایلیشگی‌لری‌نین نورماللاشماسی چرچیوه‌سینده آتیلان آددیم‌لارین هله‌لیک نتیجه وئرمه‌دیگینی بیلدیرن گئنئرال “ایشیق کوشانئر” سوره‌جین و پروسئسین داوام ائتدیگینی، پروبلئمین آزربایجانین تورپاق بوتؤو‌لوگو چرچیوه‌سینده حل ائدیلمه‌سی‌نین بؤلگه‌ده باریشا و ثابیتلیگین ساغلاماسی باخیمیندان اؤنملی اولدوغونو دئییب.

لاس وئگاسدا تشکیل ائدیلن Miss Universe 2010 گؤزه‌للیک یاریشیندا بیرینجی، 22 یاشینداکی مکزیک گؤز‌لی ژیمئنا ناواررئتئ اولدو.

جامائیکا‌لی یئندی پهیللیپس و اوسترالیا‌لی ژئسینتا جامپبئل سیرایلا ایکینجی و اوچونجو اولدولار.

قوزئی ایتالیادا بیرینجی دونیا دؤیوشو اثناسیندا اؤلن بیر عسگرین دونموش قالیق‌لاری بؤیوک نیسبتده قورونموش حالدا تاپیلدی.

احتیماللا ایتالیالی اولان عسگرین اوزرینده 1915-1918 آراسیندا اوسترا لیایا قارشی ایجرا ائدیلن دؤیوشده ایستیفاده ائدیلن فورما و چکمه‌لر وار.

عسگرین قالیق‌لاری ایکی اؤلکه سرحدینده‌کی "دولومیتلئرین" ان یوکسک زیروه‌سی "مارمولادا" داغی‌نین زیروه‌سی یاخین‌لاریندا تاپیلدی. قالیق‌لارین احتیماللا یاخینداکی بوزلاق ایچینده قوروندوغو دوشونولور.

بو تاپینتی‌لار دقت‌لری بیر داها یوز ایل اونجه اوروپانین ان چتین دؤیوش ساحه‌لریندن بیرینده یاشانانلارا چئویردی.